EKOLOJİ MƏDƏNİYYƏT VƏ İNCƏSƏNƏTİN TƏBLİĞİ

“EKOLOJİ MƏDƏNİYYƏT VƏ İNCƏSƏNƏTİN TƏBLİĞİ” LAYİHƏSİNƏ START VERİLDİ

Məktəbdə “Ekoloji aylıqlar” layihəsi çərçivəsində fevral ayı ərzində  “Ekoloji mədəniyyət və incəsənət, Azərbaycanın ekoloji tarixi və etnoqrafiyası”  layihəsinə start verilmişdir.  Bu məqsədlə 02.02.2017-ci il tarixdə 13-⁰⁰ -da “Kiçik Akademiya”nın növbəti iclası keçirilmişdir. İclasda layihənin həyata keçirilməsi üçün heyət üzvləri seçilmişdir. Mövzuya uyğun olaraq “Eko-etnoqrafiya şagirdlərin tədqiqatında”,  “Ekoloji mədəniyyət və incəsənətin təbliği”, “Azərbaycanın ekoloji tarixi üzrə ən maraqlı araşdırma işi” nominasiyaları  ətrafında müzakirələr aparılmış,   “Ekoloji mədəniyyət və incəsənətin təbliği” nominasiyası seçilmişdir. “Dünya bizim evimizdir” devizi altında işə başlanılmış və layihənin planı hazırlanmışdır.   

Planda- 

- devizin hazırlanması;

- divar qəzəetlərinin hazırlanması;

- təbliğat məqsədi ilə buklet və vərəqələrin hazırlanması;

- ilk təbliğatı valideynlərlə aparmaq;

- şagirdlər arasında təbliğat aparmaq məqsədi ilə videoçarxların ,vərəqələrin və söhbətlərin aparılması;

- təbliğat məqsədi ilə qəsəbə sakinlərinə bukletlər  və vərəqələr paylamaq;

-“Tullantıdan incəsənətə” devizi ilə topladıqları tullantıdan müxtəlif formalı incəsənət nümunələri və əşyalar hazırlamaq,  hazırlanmış əl işlərinin sərgisini təşkil etmək;

İlk  iş lahiyənin  məktəbin girişində təbiəti qorumağı, öyrənməyi zənginləşdirməyi təbliğ edən  lahiyənin devizi və  divar qəzetləri hazırlamaq olmuşdur.

 “Dünya bizim evimizdir” devizi altında işə başlanıldı. Layihə çərçivəsində məktəbin girişində təbiəti qorumağı, öyrənməyi zənginləşdirməyi təbliğ edən divar qəzetləri hazırlanır.